മുംബൈ: ഹോം ഡെലിവറി സംവിധാനം ഉപയോഗിച്ച് മദ്യം ഓണ്ലൈനായി വിതരണം ചെയ്യാന് നിര്ദേശം നല്കിയിട്ടില്ലെന്ന് മഹാരാഷ്ട്ര സര്ക്കാര്. ഇത്തരത്തിലുള്ള വ്യാജ പ്രചാരണങ്ങളില് വീഴരുതെന്നും മഹാരാഷ്ട്ര സര്ക്കാര് അറിയിച്ചു.
അതേസമയം മഹാരാഷ്ട്രയിലെ ധാരാവിയില് കൊവിഡ് ബാധിച്ച് കഴിഞ്ഞദിവസം ഒരാള്ക്കൂടി മരിച്ചതോടെ മൊത്തം മരണം നാലായി. മഹാരാഷ്ട്രയിലെ വര്ധിക്കുന്ന കൊവിഡ് രോഗികളുടെ എണ്ണം ആശങ്കയുളവാക്കുന്നതാണ്. 24 മണിക്കൂറിനിടെ 200 ലേറെ പേര്ക്കാണ് രോഗം സ്ഥിരീകരിച്ചത്. രോഗികളുടെ എണ്ണം ആയിരം കടന്നിരുന്നു.
ഇതിനിടെ നഗരത്തിലെ ഏറ്റവും വലിയ മാര്ക്കറ്റുകളിലൊന്നായ എപിഎംസി മാര്ക്കറ്റിലെ വ്യാപാരിക്ക് രോഗം സ്ഥിരീകരിച്ചതോടെ അടച്ച് പൂട്ടി. ധാരാവിയിലടക്കം രോഗം പടരുന്ന ഇടകളിലെ അവശ്യസാധനങ്ങള് വില്ക്കുന്ന കടകളും അടച്ചു. ഇതോടെ ജനജീവിതം കൂടുതല് ദുസഹമായിരിക്കുകയാണ്.