ചെന്നൈ: തമിഴ്നാട്ടില് പടക്കനിര്മ്മാണ ശാലയിലുണ്ടായ സ്ഫോടനത്തില് നാല് പേര് മരിച്ചു. വിരുദുനഗര് ജില്ലയിലെ തയില്പ്പെട്ടിയിലെ പടക്കനിര്മ്മാണ ശാലയിലാണ് പൊട്ടിത്തെറിയുണ്ടായത്. അനധികൃതമായാണ് ഈ പടക്ക നിര്മ്മാണ ശാല പ്രവര്ത്തിച്ചിരുന്നതെന്നാണ് റിപ്പോര്ട്ട്.
മരിച്ചവരില് രണ്ട് സ്ത്രീകളും ഒരു കുട്ടിയും ഉള്പ്പെടുന്നു. നിരവധി തൊഴിലാളികള്ക്ക് സ്ഫോടനത്തില് പൊള്ളലേറ്റു. രക്ഷാപ്രവര്ത്തനം പുരോഗമിക്കുകയാണ്. പൊള്ളലേറ്റവെരെ വിരുദുനഗര് സര്ക്കാര് ആശുപത്രിയില് പ്രവേശിപ്പിച്ചു. പടക്കനിര്മ്മാണശാലയ്ക്ക് ലൈസന്സ് ഉണ്ടായിരുന്നില്ല. സംഭവത്തില് പൊലീസ് അന്വേഷണം തുടങ്ങി.