യൂറോപ്യൻ രാജ്യങ്ങളിൽ ഇസ്ലാമികവത്ക്കരണം ശക്തമാകുന്നതായി റിപ്പോർട്ട് . ബ്രിട്ടൻ, കാനഡ, ഓസ്‌ട്രേലിയ, യുഎസ് എന്നിവയുൾപ്പെടെയുള്ള പാശ്ചാത്യ രാജ്യങ്ങളിൽ ഒട്ടേറെ ക്രിസ്ത്യൻ പള്ളികൾ മസ്ജിദുകളാക്കി മാറ്റി .
പള്ളികൾ വാങ്ങുന്നതിലും മസ്ജിദുകളാക്കി മാറ്റുന്നതിലും ആഫ്രിക്കൻ അറബ് മേഖലയിൽ നിന്നും പടിഞ്ഞാറൻ മുസ്ലീം ഗ്രൂപ്പുകൾക്ക് കോടിക്കണക്കിന് ഡോളർ നൽകുന്നുണ്ട്. കാനഡയിൽ മാത്രം കഴിഞ്ഞ 20 വർഷത്തിനിടെ, 12 ഓളം പള്ളികൾ മസ്ജിദുകളാക്കി മാറ്റി.
തുർക്കിയുടെ തലസ്ഥാന നഗരമായ ഇസ്‌താംബുളിൽ ഓർത്തഡോക്സ് ക്രിസ്ത്യൻ കത്തീഡ്രൽ ആയി നിർമ്മിച്ച ഹാഗിയ സോഫിയ പിന്നീട് ഒരു മുസ്ലിം പള്ളിയായി പരിവർത്തനം ചെയ്യപ്പെട്ടതും ഇസ്ലാമിക വത്ക്കരണത്തിന്റെ ഭാഗമാണ്.
വടക്കുപടിഞ്ഞാറൻ ലണ്ടനിലെ വെംബ്ലി സെൻട്രൽ മസ്ജിദ് , കാനഡയിൽ, ടൊറന്റോയിലെ 56 ബൂസ്റ്റഡ് ഏവേയിൽ സ്ഥിതിചെയ്യുന്ന മസ്ജിദ് , ലിങ്കൺ റോഡ് യുണൈറ്റഡിലെ മസ്ജിദ് എന്നിവയും ആദ്യ കാലത്ത് ക്രിസ്ത്യൻ പള്ളികളായിരുന്നു .
100 വർഷം മുമ്പ് പ്രൊട്ടസ്റ്റന്റ് ക്രിസ്ത്യാനികൾക്കായി നിർമ്മിച്ച ലിങ്കൺ റോഡ് യുണൈറ്റഡ് ചർച്ച് ഇപ്പോൾ വിൻഡ്‌സറിന്റെ മുസ്ലിം സമൂഹത്തിന് അവകാശപ്പെട്ടതായി മാറി . മസ്ജിദും, മദ്രസയുമാണ് ഇന്ന് ഇതിൽ പ്രവർത്തിക്കുന്നത് .മസ്ജിദ് നൂർ ഉൽ ഇസ്ലാം മദ്രസ , കൾച്ചറൽ സെന്റർ ഓഫ് വിൻഡ്‌സർ എന്നീ പേരുകളിലാണ് ഇപ്പോൾ ഇത് അറിയപ്പെടുന്നത്.
ക്രിസ്ത്യൻ പള്ളി അടച്ച് മസ്ജിദുകളായി മാറുന്ന പ്രവണത വളരെ ഭയാനകമാണെന്ന് യുണൈറ്റഡ് ചർച്ച് എസെക്സ് പ്രെസ്ബറ്ററിയുടെ ഫിനാൻസ് ആൻഡ് പ്രോപ്പർട്ടി കമ്മിറ്റി ചെയർമാൻ റോസ് മിട്ടൺ പറയുന്നു . വിൻഡ്‌സറിൽ മാത്രം, 2015 വരെ അസംപ്ഷൻ, ഔർ ലേഡി ഓഫ് റോസറി, സെന്റ് ബർണബാസ്, സെന്റ് റോസ്, സെന്റ് ആൻസ്, ക്രൈസ്റ്റ് ദി കിംഗ് എന്നീ പള്ളികൾ അടച്ചു പൂട്ടി .
ചർച്ച്‌ലീഡർഷിപ്പ് ഓർഗനൈസേഷന്റെ റിപ്പോർട്ട് പ്രകാരം, യുണൈറ്റഡ് സ്റ്റേറ്റ്സിൽ പ്രതിവർഷം 4,000 പള്ളികളാണ് അടച്ചു പൂട്ടുന്നത് .
