ഇംഗ്ലീഷ് പ്രിമീയര്‍ ലീഗില്‍ എതിരില്ലാത്ത രണ്ട് ഗോളുകള്‍ക്ക് ലിവര്‍പൂള്‍ വോള്‍വര്‍ ഹാംപ്ടനെ തോല്‍പ്പിച്ചു. ലിവര്‍പൂളിനായി മുഹമ്മദ് സലയും, വിര്‍ജില്‍ വാന്‍ ഡിജിക്കുമാണ് ഗോള്‍ നേടിയത്. 18ആം മിനിറ്റിലും 68ആം മിനിറ്റിലുമായിരുന്നു ഗോളുകള്‍.
കളിയിലുടനീളം നിരവധി ഗോളവസരങ്ങളാണ് ഇരു ടീമുകള്‍ക്കും ലഭിച്ചത്. ഈ വിജയത്തോടെ ലിവര്‍പൂള്‍ പോയിന്റ് പട്ടികയില്‍ മാഞ്ചസ്റ്റര്‍ സിറ്റിയേക്കാള്‍ 4 പോയിന്റ് മുന്നിലെത്തി.
ലിവര്‍പൂള്‍ 18 കളികളില്‍ നിന്നും 48 പോയിന്‍റുമായി ലീഗില്‍ ഒന്നാംസ്ഥാനത്ത് തുടരുന്നു. 44 പോയിന്‍റുള്ള മാഞ്ചസ്റ്റര്‍ സിറ്റിയാണ് രണ്ടാമത്.
