ദുബായ്: ഐസിസി ടെസ്റ്റ് ഓള്‍ റൗണ്ടര്‍മാരുടെ റാങ്കിംഗില്‍ വെസ്റ്റ് ഇന്‍ഡീസ് നായകന്‍ ജേസണ്‍ ഹോള്‍ഡറെ മറികടന്ന് ഒന്നാം സ്ഥാനത്തെത്തി ബെന്‍ സ്റ്റോക്‌സ്. കഴിഞ്ഞ ഒന്നരവര്‍ഷത്തോളം ഹോള്‍ഡറായിരുന്നു ഓള്‍ റൗണ്ടര്‍മാരില്‍ ഒന്നാം സ്ഥാനത്ത്.
ടെസ്റ്റ് ബാറ്റിംഗ് റാങ്കിംഗില്‍ സ്റ്റീവ് സ്മിത്തിനും വിരാട് കോലിക്കും പുറകിലായി മൂന്നാം സ്ഥാനത്ത് എത്താനും സ്റ്റോക്‌സിനായി. മാഞ്ചസ്റ്റര്‍ ടെസ്റ്റിന് മുമ്പ് ഓള്‍ റൗണ്ടര്‍മാരുടെ റാങ്കിംഗില്‍ ഹോള്‍ഡര്‍ക്ക് 54 റേറ്റിംഗ് പോയന്റ് പിന്നിലായിരുന്നു സ്റ്റോക്‌സ്. എന്നാല്‍ മാഞ്ചസ്റ്റര്‍ ടെസ്റ്റിലെ ഉജ്ജ്വല പ്രകടനത്തോടെ ഹോല്‍ഡറേക്കാള്‍ 38 റേറ്റിംഗ് പോയന്റിന്റെ ലീഡുമായാണ് സ്റ്റോക്‌സ് ഒന്നാം സ്ഥാനത്ത് എത്തിയത്.
മാഞ്ചസ്റ്റര്‍ ടെസ്റ്റില്‍ ആദ്യ ഇന്നിംഗ്‌സില്‍ 176ഉം രണ്ടാം ഇന്നിംഗ്‌സില്‍ 78 റണ്‍സടിച്ച സ്റ്റോക്‌സിന്റെ പ്രകടനമാണ് ബാറ്റിംഗ് റാങ്കിംഗില്‍ മൂന്നാം സ്ഥാനത്ത് എത്തിച്ചത്. ഓസീസ് താരം മാര്‍നസ് ലാബഷെയ്‌നാണ് ബാറ്റിംഗ് റാങ്കിംഗില്‍ സ്റ്റോക്‌സിനൊപ്പം മൂന്നാം സ്ഥാനം പങ്കിടുന്നത്.
? RANKINGS UPDATE ?
Ben Stokes is the new No.1 all-rounder ?
He is the first England player since Flintoff to be at the top of the @MRFWorldwide ICC Men's Test Player Rankings for all-rounders.
Full rankings: https://t.co/AIR0KN4yY5 pic.twitter.com/viRzJzuGiC
— ICC (@ICC) July 21, 2020
