അടൂർ: ഏനാത്ത് ബെയ്ലി പാലത്തിലൂടെയുള്ള ഗതാഗതം താൽക്കാലികമായി നിരോധിച്ചു. പ്ലാറ്റ് ഫോമിലെ ഇരുമ്പ് പ്ലേറ്റ് ഇളകിമാറിയതിനെ തുടർന്നാണ് നടപടി.
വെള്ളിയാഴ്ച വൈകുന്നേരമാണ് പാലത്തിലെ തകരാർ കണ്ടെത്തിയത്. ഇതോടെ ഗതാഗതം നിരോധിക്കുകയായിരുന്നു.
ഗതാഗതം നിരോധിച്ചത് ഈ ഭാഗത്ത് വൻഗതാഗത കുരുക്കിന് കാരണമായിട്ടുണ്ട്. വാഹനങ്ങളുടെ നീണ്ടനിരയാണ് പാലത്തിന്റെ ഇരുകരയിലും ദൃശ്യമായത്.