കണ്ണൂര്: പാമ്പുരുത്തിയില് ലീഗ് പ്രവര്ത്തകര് കള്ളവോട്ട് ചെയ്തെന്ന പരാതിയില് ജില്ലാ കളക്ടര് തെളിവെടുപ്പ് ആരംഭിച്ചു.
പാമ്പുരുത്തി മാപ്പിള എയുപി സ്കൂളിലെ 166ാം ബൂത്തിലെ പ്രിസൈഡിംഗ് ഓഫീസര്, എല്ഡിഎഫ് പോളിംഗ് ഏജന്റുമാരായ മുഹമ്മദ് കുഞ്ഞി, സഹീര് എന്നിവരാണ് കളക്ടര്ക്ക് മുമ്പാകെ ഹാജരായി വിശദീകരണം നല്കിയിരിക്കുന്നത്.
ഇവരുടെ മൊഴി രേഖപ്പെടുത്തിയതിനു ശേഷം കള്ളവോട്ട് ചെയ്തെന്ന് ആരോപിക്കപ്പെട്ടവരെ കളക്ടര് വിളിച്ചുവരുത്തി വിശദീകരണം ചോദിക്കും.
പാമ്പുരുത്തി ബൂത്തിലെ 28 പ്രവാസി വോട്ടുകള് ലീഗ് പ്രവര്ത്തകര് കള്ളവോട്ട് ചെയ്തുവെന്നാണ് എല്ഡിഎഫ് പരാതിയില് വ്യക്തമാക്കിയിരിക്കുന്നത്.