ന്യൂഡല്‍ഹി: തിരഞ്ഞെടുപ്പ് കമ്മീഷന് ഇലക്ഷന്‍ പെരുമാറ്റച്ചട്ടങ്ങളില്‍ കഴിഞ്ഞ ദിവസം കൈക്കൊണ്ട നടപടികള്‍ തൃപ്തികരമാണെന്ന് സുപ്രീംകോടതി. തിരഞ്ഞെടുപ്പ് കമ്മീഷന് അധികാരത്തെ കുറിച്ച് ബോധ്യമുണ്ടായിട്ടുണ്ടാകുമെന്ന് കോടതി പറഞ്ഞു.
വിദ്വേഷ പ്രസംഗത്തിന്റെ പേരില്‍ യോഗി ആദിത്യനാഥിനും മായാവതിക്കും തിരഞ്ഞെടുപ്പ് പ്രചാരണത്തിന് കമ്മീഷന് കഴിഞ്ഞ ദിവസം വിലക്കേര്‍പ്പെടുത്തിയിരുന്നു. ഇതിനെതിരെ സുപ്രീം കോടതിയെ സമീപിച്ച മായാവതിയുടെ ആവശ്യം സുപ്രീംകോടതി തള്ളുകയും ചെയ്തു.
വിദ്വേഷ പ്രസംഗം നടത്തിയവര്‍ക്ക് നേരെ നടപടിയെടുക്കാത്തതിന്റെ പേരില്‍ സുപ്രീംകോടതിയുടെ വിമര്‍ശനമുണ്ടായതിന് പിന്നാലെയായിരുന്നു തിരഞ്ഞെടുപ്പ് കമ്മീഷന്റെ നടപടി. യോഗി ആദിത്യനാഥിന് 72 മണിക്കൂറും മായാവതിക്ക് 48 മണിക്കൂറുമായിരുന്നു വിലക്കേര്‍പ്പെടുത്തിയത്. സമാജ് വാദി പാര്‍ട്ടി നേതാവായ അസംഖാനും ബിജെപി നേതാവ് മേനകാ ഗാന്ധിക്കും പെരുമാറ്റച്ചട്ടം ലംഘിച്ചതിന്റെ പേരില്‍ വിലക്കേര്‍പ്പെടുത്തി.
