കൊച്ചി : സംസ്ഥാനത്തിന്റെ വൈദ്യുതി പ്രതിസന്ധിക്ക് പരിഹാരമായി ഇടമണ്-കൊച്ചി പവര് ഹൈവേ യാഥാര്ത്ഥ്യമായതില് സന്തോഷം രേഖപ്പെടുത്തി മന്ത്രി എംഎം മണിയുടെ ഫേസ്ബുക്ക് പോസ്റ്റ്. ‘പവര് വരണ വഴി കണ്ടോ’ എന്നാണ് മന്ത്രി ഫേസ്ബുക്കില് കുറിച്ചത്.
ഇടമണ്-കൊച്ചി 400 കെ.വി.ലൈന് (148.3 കി.മീ) പൂര്ത്തിയായതോടെ കേരളത്തിന്റെ വൈദ്യുതി മേഖലയില് വലിയ മാറ്റമുണ്ടാക്കുന്ന തിരുനെല്വേലി-കൊച്ചി-ഉദുമല്പെട്ട് 400 കെ.വി പവര് ഹൈവേ (437 കി.മീ)യാണ് യാഥാര്ഥ്യമായിരിക്കുന്നത്. 2000 മെഗാവാട്ട് ശേഷിയുള്ള കൂടംകുളം ആണവ വൈദ്യുത നിലയത്തില് നിന്നും കേരളത്തിന്റെ വൈദ്യുതി വിഹിതമായ 266 മെഗാവാട്ട്, പ്രസരണ നഷ്ടം കുറച്ച് സംസ്ഥാനത്ത് എത്തിക്കുന്നതിന് വേണ്ടി ആസൂത്രണം ചെയ്തതാണ് പവര് ഹൈവെ.