കൊച്ചി: തിരുവനന്തപുരം വിമാനത്താവളം വഴി സ്വര്ണക്കടത്ത് നടത്തിയ കേസില് പ്രതികളായ സ്വപ്ന, സരിത്, സന്ദീപ് എന്നിവരുടെ സ്വത്ത് കണ്ടുകെട്ടുമെന്ന് സൂചന. ഇതുമായി ബന്ധപ്പെട്ട് എന്ഫോഴ്സ്മെന്റ് ഡയറക്ടറേറ്റ് (ഇഡി) റജിസ്ട്രേഷന് വകുപ്പിനു കത്തുനല്കി.
സ്വപ്ന സുരേഷിനെയും സന്ദീപ് നായരെയും പി.എസ്.സരിത്തിനെയും ഏഴ് ദിവസത്തേക്ക് ഇഡിയുടെ കസ്റ്റഡിയില് വിട്ടു. എന്ഐഎ കോടതി ജുഡിഷ്യല് കസ്റ്റഡിയില് വിട്ട പ്രതികളെ രാവിലെ എറണാകുളം പ്രിന്സിപ്പല് സെഷന്സ് കോടതിയില് ഹാജരാക്കിയ ശേഷമാണ് ഇഡി കസ്റ്റഡിയില് എടുത്തത്.
സ്വര്ണക്കടത്തിന്റെ മറവില് നടന്ന കള്ളപ്പണം വെളുപ്പിക്കലും ഹവാല, ബെനാമി ഇടപാടുകളുമാണ് ഇഡി അന്വേഷിക്കുന്നത്. നയതന്ത്ര ചാനല് വഴിയുള്ള സ്വര്ണക്കടത്തിനു കഴിഞ്ഞ ഒരു വര്ഷത്തിനിടെ 100 കോടിയോളം രൂപയുടെ കള്ളപ്പണ ഇടപാട് നടന്നതായി പ്രാഥമിക അന്വേഷണത്തില് കണ്ടെത്തിയിരുന്നു.