ന്യൂഡല്ഹി : സാമ്പത്തിക സംവരണ ബില്ലില് രാഷ്ട്രപതി ഒപ്പു വെച്ചു. രാഷ്ട്രപതി രാംനാഥ് കോവിന്ദാണ് ബില്ലില് ഒപ്പ് വെച്ചത്. രാഷ്ട്രപതി അംഗീകാരത്തിനു പിന്നാലെ കേന്ദ്ര സര്ക്കാര് വിജ്ഞാപനവും ഇറക്കി.
ലോക്സഭയിലും രാജ്യസഭയിലും നേരത്തേ ബില് പാസായിരുന്നു. ലോക്സഭയില് പാസാക്കിയ ബില് 165 പേരുടെ പിന്തുണയോടെയാണ് രാജ്യസഭയില് പാസാക്കിയത്. ബില്ലില് രാഷ്ട്രപതി ഒപ്പു വച്ചതോടെ ചരിത്രപരമായ ഭരണഘടനാ ഭേദഗതിയാണ് നിലവില് വന്നിരിക്കുന്നത്.
മുന്നോക്ക വിഭാഗത്തിലെ സാമ്പത്തികമായി പിന്നോക്കം നില്ക്കുന്നവര്ക്ക് സര്ക്കാര് ജോലിയിലും ഉന്നത വിദ്യാഭ്യാസ ത്തിലും പത്തു ശതമാനം സംവരണം നല്കുന്നതാണ് പുതിയ നിയമം.