കണ്ണൂര്: തലശേരിയില് ഡിവൈഎഫ്ഐ പ്രതിഷേധ മാര്ച്ചിന് നേരെ കല്ലേറ്. കടകള്ക്ക് നേരെയും ആക്രമണം ഉണ്ടായി. നിലവില് സ്ഥലത്തെ അന്തരീക്ഷം സമാധാനപരമാണ്.
കരുതല് തടങ്കലിനെ തുടര്ന്ന് കഴിഞ്ഞ ദിവസം സമാധാന അന്തരീക്ഷം നിലനിന്നിരുന്ന കണ്ണൂര് ജില്ലയില് ഇന്നലെ രാത്രി വ്യാപകമായ അക്രമമാണ് അരങ്ങേറിയത്. എ എന് ഷംസീര് എംഎല്എ, വി മുരളീധരന് എം പി, സിപിഎം മുന് ജില്ലാ സെക്രട്ടറി പി ശശി എന്നിവരുടെ വീടിന് നേരെയാണ് ബോംബേറുണ്ടായത്. ചെറുതാഴത്ത് ആര്എസ്എസ് ഓഫീസിന് തീയിട്ടു. ഇരുട്ടിയില് സിപിഎം പ്രവര്ത്തകന് രാത്രിയില് വെട്ടേറ്റു. പെരുമ്പറ സ്വദേശി വിശാഖിനാണ് വെട്ടേറ്റത്.