അമൃത്സര്‍: പഞ്ചാബിലെ അമൃത്സറില്‍ സര്‍ക്കാര്‍-റെയില്‍വേ ഉദ്യോഗസ്ഥരുടെ വീടുകള്‍ക്കു നേരെ ഉണ്ടായ കല്ലേറില്‍ പോലീസുകാര്‍ക്ക് പരിക്ക്. ദസറ ആഘോഷത്തിനിടെ ട്രെയിനിടിച്ച്‌ 61 പേര്‍ മരിച്ച സംഭവത്തില്‍ പ്രതിഷേധിച്ചായിരുന്നു കല്ലേറ്.
കല്ലേറില്‍ പരിക്കേറ്റ പോലീസുകാരെ ആശുപത്രിയില്‍ പ്രവേശിപ്പിച്ചു. പഞ്ചാബ് പോലീസ് കമാന്‍റോ ഉദ്യോഗസ്ഥര്‍ക്കാണ് പരിക്കേറ്റത്. വെള്ളിയാഴ്ച രാത്രി അമൃത്സറിലെ ജോധ പഥകിലായിരുന്നു അപകടം. ദസറ ആഘോഷത്തിന്‍റെ സംഘാടകരുടെ വീടുകള്‍ക്കു നേരെയും ആക്രമണം ഉണ്ടായി.
