നടന്‍ ദുല്‍ഖര്‍ സല്‍മാന്‍ ഇൻസറ്റഗ്രാമിൽ പങ്കുവെച്ച വിഡിയോ കണ്ട ആശങ്കയിലാണ് ആരാധകര്‍. ‘ഞാന്‍ ഉറങ്ങിയിട്ട് ഏറെയായി’ എന്ന അടിക്കുറിപ്പോടെയാണ് ദുല്‍ഖര്‍ വിഡിയോ പങ്കുവെച്ചത്. വിഡിയോ ദുല്‍ഖര്‍ പിന്നീട് പിന്‍വലിച്ചു. ഏതെങ്കിലും പ്രൊമോഷന്റെ ഭാഗമാണോ വിഡിയോ എന്നാണ് ആരാധകരുടെ ചോദ്യം. അതല്ല ദുല്‍ഖര്‍ എന്തെങ്കിലും പ്രശ്നം നേരിടുന്നുണ്ടോ എന്നും ആരാധകര്‍ ചോദിക്കുന്നു.
‘‘കുറച്ചു നാളുകളായി ഉറങ്ങിയിട്ട്. ആദ്യമായി ജീവിതത്തിൽ ചില കാര്യങ്ങൾ നേരിടേണ്ടി വന്നു. കാര്യങ്ങൾ ഒന്നും പഴയപടിയല്ല. നേരിടേണ്ടി വന്നതൊന്നും മനസ്സിൽ നിന്നും കളയാൻ പറ്റുന്നില്ല. എനിക്ക് കൂടുതൽ പറയണമെന്ന് ആഗ്രഹമുണ്ട്. പക്ഷേ എന്നെ അതിന് അനുവദിക്കുമെന്ന് തോന്നുന്നില്ല.’’–വിഡിയോയിൽ ദുൽഖർ പറയുന്നു.
What happened to #DulquerSalmaan 🥺🥺. He posted and deleted it later. Is everything alright to him ?. #KingOfKotha pic.twitter.com/PyGnrwnorw
— DON BOY (@preethamtweets_) July 2, 2023
വിഡിയോ ദുല്‍ഖര്‍ പിന്‍വലിച്ചെങ്കിലും ആരാധകര്‍ ഇത് ഡൗൺലോഡ് ചെയ്തുവച്ചതോടെ സംഗതി സമൂഹമാധ്യമങ്ങളില്‍ വൈറലായി. ഏതെങ്കിലും സിനിമയടെ പ്രൊമോഷന്റേയോ പരസ്യത്തിന്റേയോ ഭാഗമാണ് ദുല്‍ഖറിന്റെ വിഡിയോ എന്നാണ് സൂചന.
