ചെന്നൈ: ചെന്നൈ വിമാനത്താവളത്തില്‍ 12 കോടി രൂപ വിലമതിക്കുന്ന കൊക്കെയ്ന്‍ കസ്റ്റംസ് പിടികൂടി. നൈജീരിയന്‍ സ്വദേശിയില്‍ നിന്നുമാണ് 1,201 ഗ്രാം കൊക്കെയ്ന്‍ കണ്ടെത്തിയത്.
എത്യോപ്യയുടെ തലസ്ഥാനമായ അഡിസ് അബാബയില്‍ നിന്ന് ഡിസംബര്‍ 12-ന് ചെന്നൈയിലെത്തിയ യാത്രക്കാരനില്‍ നിന്നാണ് കൊക്കെയ്ന്‍ പിടികൂടിയത്. മയക്കുമരുന്ന് കാപ്‌സ്യൂളുകളാക്കി ശരീരത്തിനുള്ളില്‍ ഒളിച്ചു കടത്താനായിരുന്നു ശ്രമം.
12 കോടി രൂപ വിലമതിക്കുന്ന 1,201 ഗ്രാം കൊക്കെയ്‌നാണ് പിടികൂടിയതെന്ന് കസ്റ്റംസ് പുറത്തിറക്കിയ വാര്‍ത്താക്കുറിപ്പില്‍ വ്യക്തമാക്കുന്നു. സംഭവത്തില്‍ എയര്‍ കസ്റ്റംസ് ഉദ്യോഗസ്ഥര്‍ കൂടുതല്‍ അന്വേഷണം നടത്തിവരികയാണ്.
