തിരുവല്ല: മാര്ത്തോമ സഭയുടെ പരമാധ്യക്ഷന് ഡോ. ജോസഫ് മാര്ത്തോമ മെത്രാപ്പൊലീത്ത (90) കാലം ചെയ്തു. അസുഖബാധിതനായി ദിവസങ്ങളായി തിരുവല്ലയിലെ സ്വകാര്യ ആശുപത്രിയില് ചികിത്സയിലായിരുന്നു. പുലര്ച്ചെ 2.30 ഓടെയാണ് അന്ത്യം സംഭവിച്ചത്.
ഡോ. ഗീവര്ഗീസ് മാര് തിയഡോഷ്യസ് സഫ്രഗന് മെത്രാപ്പൊലീത്ത, തോമസ് മാര് തിമോത്തിയോസ്, സഭാ സെക്രട്ടറി റവ. കെ.ജി.ജോസഫ് എന്നിവര് മരണസമയത്ത് അടുത്തുണ്ടായിരുന്നു.
2007 ലാണ് മാര് ക്രിസോസ്റ്റം വലിയ മെത്രാപ്പൊലീത്തായുടെ പിന്ഗാമിയായി ജോസഫ് മാര്ത്തോമ മെത്രാപ്പൊലീത്ത സഭാ അധ്യക്ഷനായി അവരോധിക്കപ്പെട്ടത്. മാരാമണ് കണ്വെന്ഷന്റെ മുഖ്യ സംഘാടകനായിരുന്നു. മാരാമണ് കണ്വന്ഷനിലെ രാത്രി യോഗങ്ങളില് സ്ത്രീകള്ക്കുണ്ടായിരുന്ന വിലക്ക് നീക്കിയത് മെത്രാപ്പോലീത്തയാണ്.