മലപ്പുറം:ഷിഗല്ലയില്‍ മലപ്പുറത്ത് ആശങ്കപ്പെടേണ്ട സാഹചര്യമില്ലെന്ന് ജില്ലാ മെഡിക്കല്‍ ഓഫീസര്‍ ഡോ.ആര്‍.രേണുക. രോഗം പടരാതിരിക്കാനുള്ള മുന്‍കരുതല്‍ ആരോഗ്യ വകുപ്പ് സ്വീകരിച്ചിട്ടുണ്ട്. മറ്റാര്‍ക്കും ഇപ്പോള്‍ രോഗമില്ലെന്നും ജില്ല മെഡിക്കല്‍ ഓഫിസര്‍ ആര്‍ രേണുക പറഞ്ഞു.
ഏഴ് വയസുകാരന്റെ മരണ കാരണം ഷിഗല്ലയെന്ന സൂചനക്ക് പിന്നാലെ, മലപ്പുറത്ത് ആരോഗ്യ വകുപ്പ് പ്രതിരോധ പ്രവര്‍ത്തനം ശക്തമാക്കിയിരുന്നു. മലപ്പുറം പുത്തനത്താണിയില്‍ പ്രദേശവാസികള്‍ക്ക് ആരോഗ്യ വകുപ്പിന്റെ ദ്രുത പ്രതികരണ സംഘം ജാഗ്രതാനിര്‍ദേശം നല്‍കിയിട്ടുണ്ട്. കഴിഞ്ഞ ദിവസമാണ് ഏഴ് വയസുകാരന്‍ കോഴിക്കോട് സ്വകാര്യ ആശുപത്രിയില്‍ മരിച്ചത്. വയറിളക്ക രോഗത്തെ തുടര്‍ന്നാണ് കുട്ടിയെ ആശുപത്രിയില്‍ പ്രവേശിപ്പിച്ചിരുന്നത്.
