ദുബായ്: ഭക്ഷണം പാചകം ചെയ്യുന്നതിനെച്ചൊല്ലിയുണ്ടായ തര്‍ക്കത്തിനിടയില്‍ ഇന്ത്യക്കാരന്‍ സുഹൃത്തിനെ കുത്തിക്കൊന്നു.
ലേബര്‍ ക്യാമ്പില്‍ വച്ച് 29 കാരനായ സുഹൃത്തിനെ 23 കാരന്‍ കത്തിക്കൊലപ്പെടുത്തുകയായിരുന്നു.
വിവരം ലഭിച്ച പൊലീസ് സ്ഥലത്ത് എത്തി പരിക്കേറ്റ യുവാവിനെ ആശുപത്രിയിലേക്ക് മാറ്റിയെങ്കിലും രക്ഷിക്കാനായില്ല.
ക്യാമ്പിലെ മറ്റ് തൊഴിലാളികള്‍ ചേര്‍ന്ന് കൊലയാളിയായ യുവാവിനെ പിടിച്ചു വെച്ച് പൊലീസിന് കൈമാറുകയായിരുന്നു.
കൊലയ്ക്ക് ഉപയോഗിച്ച കത്തി ഇയാളില്‍ നിന്ന് പൊലീസ് കണ്ടെത്തി.
സംഭവം നടന്ന ദിവസം രാത്രി 8.30ഓടെ ഇരുവരും വരാന്തയില്‍ നിന്ന് തര്‍ക്കിക്കുന്നത് കണ്ടുവെന്ന് ക്യാമ്പിലെ മാനേജര്‍ പൊലീസിന് മൊഴി നല്‍കി.
ആര് ഭക്ഷണം ഉണ്ടാക്കുമെന്നതിനെ ചൊല്ലിയുണ്ടായ തര്‍ക്കമാണ് കത്തിക്കുത്തില്‍ കലാശിച്ചതെന്ന് അന്വേഷണത്തില്‍ വ്യക്തമായതായി പൊലീസും അറിയിച്ചു.
