കൊച്ചി: ഹാപ്പി വെഡ്ഡിങ്ങ് എന്ന ചിത്രത്തിലൂടെ സംവിധാന രംഗത്ത് തന്റേതായ ഇടം നേടിയ സംവിധായകനാണ് ഒമര്‍ ലുലു. ഇപ്പോഴിതാ തന്റെ വലിയ സ്വപ്നം യാഥാര്‍ത്ഥ്യമാവുകയാണെന്ന് പറഞ്ഞ് രംഗത്തെത്തിയിരിക്കുകയാണ് അദ്ദേഹം.
ഹാപ്പി വെഡ്ഡിങ്ങ് എന്ന തന്റെ ആദ്യ സിനിമ ഹിന്ദിയില്‍ റീമേക്ക് ചെയ്യാന്‍ പോകുന്നതിന്റെ സന്തോഷമാണ് ഒമര്‍ ലുലു പങ്കുവെച്ചിരിക്കുന്നത്. പീ പ്രൊഡക്ഷന്‍ വര്‍ക്കുകള്‍ക്ക് തുടക്കമായി എന്നും ഈ വര്‍ഷം അവസാനം ഷൂട്ടിങ്ങ് തുടങ്ങാനാണ് പദ്ധതിയെന്നും ഒമര്‍ ഫേസ്ബുക്കില്‍ കുറിച്ചു. ഹാപ്പി വെഡ്ഡിങ്ങിനു ശേഷം ഒരു അഡാറ് ലവ്, ചങ്ക്‌സ്, ധമാക്ക എന്നീ സിനിമകളും ഒമറിന്റെ സംവിധാനത്തിലൂടെ പ്രേക്ഷകരിലേക്ക് എത്തിയിരുന്നു.
ഫേസ്ബുക്ക് പോസ്റ്റിന്റെ പൂര്‍ണരൂപം;
ഒരു ബോളിവുഡ് ഡയറക്ടര്‍ ആവണം എന്ന എന്റെ വലിയ ഒരു സ്വപ്നം നടക്കാന്‍ പോവുന്നു. ഹാപ്പിവെഡ്ഡിംഗ് എന്ന എന്റെ സിനിമയുടെ തന്നെ റീമേക്ക് ആണ് ഞാന്‍ ആദ്യമായി സംവിധാനം ചെയ്യാന്‍ പോവുന്ന ഹിന്ദി സിനിമ പ്രീപ്രൊഡക്ഷന്‍ വര്‍ക്ക് സ്റ്റാര്‍ട്ട് ചെയ്തു ഈ വര്‍ഷം അവസാനം ഷൂട്ടിംഗ് തുടങ്ങാന്‍ ആണ് പ്‌ളാന്‍. കാസ്റ്റ് ആന്റ് ക്രൂ ഫൈനല്‍ ആയിട്ട് പറയാം എല്ലായിപ്പോഴും ഒപ്പം നിന്ന ചങ്ക്‌സിനും ദൈവത്തിനും നന്ദി.
