ഡോണ് പാലത്തറ സംവിധാനം ചെയ്ത ചിത്രം ‘ഫാമിലി’ റോട്ടര്ഡാം ചലച്ചിത്രോത്സവത്തിലേക്ക്. ചിത്രത്തിന്റെ വേള്ഡ് പ്രീമിയറാണ് റോട്ടര്ഡാമില് നടക്കുക. 2023 ജനുവരി 25 മുതല് ഫെബ്രുവരി 5 വരെയാണ് അടുത്ത ഫെസ്റ്റിവല്. സോഷ്യല് ഡ്രാമ വിഭാഗത്തില് പെടുന്ന ചിത്രത്തിൽ വിനയ് ഫോര്ട്ട് ആണ് പ്രധാന കഥാപാത്രത്തെ അവതരിപ്പിക്കുന്നത്.
സംവിധായകന് തന്നെ എഡിറ്റിംഗും നിര്വ്വഹിച്ചിരിക്കുന്ന ചിത്രത്തിന്റെ നിര്മ്മാണം ന്യൂട്ടണ് സിനിമ ആണ്. ഡോണ് പാലത്തറയും ഷെറിന് കാതറിനും ചേര്ന്നാണ് രചന നിര്വ്വഹിച്ചിരിക്കുന്നത്. ഛായാഗ്രഹണം നിര്വ്വഹിച്ചിരിക്കുന്നത് ജലീല് ബാദുഷ.
സോണി എന്ന കേന്ദ്ര കഥാപാത്രത്തിന്റെ കണ്ണിലൂടെയാണ് ചിത്രം ഇതള് വിരിയുന്നത്. ക്രിസ്ത്യന് ഭൂരിപക്ഷമുള്ള ഒരു കേരളീയ ഗ്രാമം പശ്ചാത്തലമാക്കുന്ന ചിത്രം നാട്ടുജീവിതത്തിലെ പരസ്പര വൈരുദ്ധ്യങ്ങളെ ചേര്ത്തുവെക്കുന്നു. 111 മിനിറ്റ് ആണ് ചിത്രത്തിന്റെ ദൈര്ഘ്യം.
ഡോണ് പാലത്തറയുടെ ആറാമത്തെ ചിത്രമാണ് ഫാമിലി. ശവം, വിത്ത്, 1956, മധ്യ തിരുവിതാംകൂര് എവരിതിംഗ് ഈസ് സിനിമ, സന്തോഷത്തിന്റെ ഒന്നാം രഹസ്യം എന്നിവയാണ് ഈ സംവിധായകന്റെ മുന് ചിത്രങ്ങള്.