ഹൈദരാബാദ്: തെലുങ്കാന പോലീസിനെതിരായ വിവാദ ട്വീറ്റ്. സംഭവുമായി ബന്ധപ്പെട്ട് കോണ്ഗ്രസ് ജനറല് സെക്രട്ടറി ദിഗ്വിജയ് സിംഗിനെതിരെ ഹൈദരാബാദ് പോലീസ് കേസെടുത്തു.
ജൂബിലി ഹിൽസ് പോലീസ് സ്റ്റേഷനിലാണ് കോൺഗ്രസ് നേതാവിനെതിരെ കേസെടുത്തത്. ടിആർഎസ് പാർട്ടി യുവജനവിഭാഗം നേതാവ് ദിനേഷ് ചൗദരിയുടെ പരാതിയിലാണ് പോലീസ് കേസെടുത്തിരിക്കുന്നത്.
മുസ്ലിം യുവാക്കളെ കെണിയില് വീഴ്ത്താന് തെലുങ്കാന പോലീസ് ഭീകര സംഘടനയായ ഐഎസിന്റെ പേരില് വ്യാജ വെബ്സൈറ്റ് നടത്തുന്നുവെന്ന പരാമര്ശമാണ് വിവാദമായത്.
തിങ്കളാഴ്ചയാണ് ദിഗ്വിജയ് സിംഗിന്റെ പരാമര്ശം ട്വിറ്ററില് പ്രത്യക്ഷപ്പെട്ടത്.