ന്യൂഡല്ഹി : മഹാരാഷ്ട്രയില് അധികാരത്തിലേറ്റ സര്ക്കാരിനെ അഭിനന്ദിച്ച് പ്രധാന മന്ത്രി നരേന്ദ്ര മോദിയും അമിത് ഷായും. ട്വിറ്ററിലൂടെയാണ് ഇരുവരും ആശംസകള് നേര്ന്നത്.
“മുഖ്യമന്ത്രിയായി അധികാരമേറ്റ ദേവേന്ദ്ര ഫഡ്നാവിസിനും ഉപമുഖ്യമന്ത്രി അജിത് പവാറിനും ആശംസകള് നേരുന്നു. ഇരുവരും മഹാരാഷ്ട്രയുടെ നല്ല ഭാവിക്കായി മികച്ച പ്രകടനം കാഴ്ച വയ്ക്കുമെന്ന് തനിക്കുറപ്പുണ്ട്”- പ്രധാനമന്ത്രി ട്വിറ്ററില് കുറിച്ചു.
കേന്ദ്ര ആഭ്യന്തര മന്ത്രി അമിത് ഷാ, നിതിന് ഗഡ്ഗരി എന്നിവരും പുതിയ മുഖ്യമന്ത്രിയെയും, ഉപമുഖ്യമന്ത്രിയെയും അഭിനന്ദിച്ചു. മഹാരാഷ്ട്രയില് വന് നാടകീയ നീക്കങ്ങള്ക്കൊടുവിലാണ് ബി.ജെ.പി – എന്.സി.പി സഖ്യ സര്ക്കാര് അധികാരമേറ്റത്.