ന്യൂഡല്ഹി: ശബരിമല അടക്കമുള്ള വിഷയങ്ങളില് സുപ്രീംകോടതിയുടെ ഒമ്പതംഗ ബെഞ്ച് ഇന്ന് മുതല് വാദം കേള്ക്കും. ചീഫ് ജസ്റ്റീസ് എസ്.എ. ബോബ്ഡെ അധ്യക്ഷനായ ബെഞ്ചാണ് വാദം കേള്ക്കുന്നത്. വിഷയത്തില് ബെഞ്ച് പരിഗണിക്കുന്ന ഏഴ് പരിഗണനാ വിഷയങ്ങള് കഴിഞ്ഞ ആഴ്ച നിശ്ചയിച്ചിരുന്നു.
അതേസമയം,ക്രിമിനല് സ്വഭാവം ഇല്ലാത്ത ആചാരങ്ങളില് കോടതികള് ഇടപെടരുതെന്ന നിലപാട് കേന്ദ്രസര്ക്കാര് സുപ്രീംകോടതിയെ അറിയിക്കുമെന്നാണ് റിപ്പോര്ട്ട്. ഇതു വാദം നടക്കുമ്പോള് സോളിസിറ്റര് ജനറല് തുഷാര് മേത്ത കോടതിയെ അറിയിക്കുമെന്നും റിപ്പോര്ട്ടുകളില് പറയുന്നു.