ന്യൂഡല്ഹി: ബിജെപി വര്ക്കിംഗ് പ്രസിഡന്റ് ജെപി നദ്ദ പാര്ട്ടി അധ്യക്ഷ സ്ഥാനത്തേക്ക്. ജനുവരി 22-ന് ബിജെപി ആസ്ഥാനത്ത് വച്ചു നടക്കുന്ന ചടങ്ങില് പ്രധാനമന്ത്രി നരേന്ദ്രമോദിയുടെ സാന്നിധ്യത്തില് ജെപി നദ്ദ അധ്യക്ഷസ്ഥാനം ഏറ്റെടുക്കും.
കഴിഞ്ഞ ലോക്സഭാ തെരഞ്ഞെടുപ്പില് ബിജെപി മിന്നും ജയം നേടുകയും അമിത് ഷാ രണ്ടാം മോദി സര്ക്കാരില് ആഭ്യന്തരമന്ത്രിയാവുകയും ചെയ്തതോടെയാണ് ഷായുടെ ജോലിഭാരം കുറയ്ക്കുക എന്ന ലക്ഷ്യത്തോടെ ഹിമാചല് പ്രദേശില് നിന്നുള്ള ബിജെപി നേതാവ് ജെപി നദ്ദയെ വര്ക്കിംഗ് പ്രസിഡന്റായി നിയമിക്കുന്നത്.
ജെപി നദ്ദ അധ്യക്ഷസ്ഥാനം ഏറ്റെടുക്കുമ്പോള് ഭൂപീന്ദര് യാദവ് ബിജെപിയുടെ പുതിയ വര്ക്കിംഗ് പ്രസിഡന്റോ വൈസ് പ്രസിഡന്റോ ആകുമെന്നാണ് സൂചന. പുതിയ നേതൃത്വത്തിന് കീഴില് പാര്ട്ടിയുടെ വിവിധ ദേശീയ സമിതികളും പുനസംഘടിപ്പിക്കുമെന്നാണ് അറിയാന് കഴിഞ്ഞത്.