ന്യൂഡല്‍ഹി: ഡല്‍ഹി വനിതാ കമ്മീഷന്‍ (ഡിസിഡബ്ല്യു) അധ്യക്ഷ സ്വാതി മലിവാളിന് നേരെ വധഭീഷണി. ബോയ്‌സ് ലോക്കര്‍ റൂം വിവാദത്തിലും വിദ്യാര്‍ത്ഥി സഫൂറാ സര്‍ഗാറിനെ തടവിലാക്കിയ വിഷയത്തിലും പ്രതികരിച്ചതിന് പിന്നാലെയാണ് സ്വാതി മലിവാളിന് നേരെ വധഭീഷണി ഉയര്‍ന്നത്.
സംഭവത്തില്‍ സ്വാതി മലിവാല്‍ ഡല്‍ഹി സൈബര്‍ ക്രൈമില്‍ പരാതി നല്‍കിയിട്ടുണ്ട്. സ്വാതിയുടെ ട്വിറ്റര്‍ അക്കൗണ്ടിലേക്കാണ് വധഭീഷണി സന്ദേശമെത്തിയത്. തന്നെ ഉപദ്രവിക്കുമെന്നും കൊലപ്പെടുത്തുമെന്നുമുള്ള സന്ദേശമാണ് വന്നതെന്നും ഇയാളെ ഉടന്‍ പിടികൂടി അറസ്റ്റ് ചെയ്യണമെന്നുമാണ് മലിവാള്‍ പരാതിയില്‍ ആവശ്യപ്പെടുന്നത്.
