കോഴിക്കോട്: സുപ്രീംകോടതി അറസ്റ്റ് വാറണ്ട് പുറപ്പെടുവിച്ച കൊലക്കേസ് പ്രതി പൊലീസ് പിടിയില്‍. 2001ല്‍ പൊറ്റമ്മലില്‍ അഭിഭാഷകനായ ശ്രീധരക്കുറുപ്പിനെ ഇരുമ്പ് വടികൊണ്ട് തലക്കടിച്ച് കൊന്ന കേസിലെ പ്രതിയും കൊല്ലം സ്വദേശിയുമായ എസ്പി ബിജുവിനെയാണ് കോഴിക്കോട് പൊലീസ് അറസ്റ്റ് ചെയ്തത്.
നേരത്തെ ക്രൈംബ്രാഞ്ചിന്റെ അറസ്റ്റിലായ പ്രതിയെ ഹൈക്കോടതിയില്‍ അപ്പീല്‍ നല്‍കിയതിനെ തുടര്‍ന്ന് കോടതി വെറുതെവിട്ടിരുന്നു. പിന്നീട് സര്‍ക്കാര്‍ സുപ്രീംകോടതിയെ സമീപിച്ചതിനെ തുടര്‍ന്നാണ് കോടതി അറസ്റ്റ് വാറണ്ട് പുറപ്പെടുവിച്ചത്.
പ്രതി മംഗലാപുരത്ത് ഒളിവില്‍ കഴിയവേയാണ് പൊലീസ് പിടിയിലാവുന്നത്. മെഡിക്കല്‍ കോളേജ് എസിപിയുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
