ബോളിവുഡിലെ ഭാഗ്യ താര ജോഡികളാണ് ദീപിക പദുകോണും റണ്‍ബീര്‍ കപൂറും. സിദ്ധാര്‍ഥ് ആനന്ദ് സംവിധാനം ചെയ്ത ബച്ച്‌ന എ ഹസീനോ എന്ന സിനിമയിലാണ് ദീപികയും രണ്‍ബീറും ആദ്യമായി ഒന്നിക്കുന്നത്. ഇത് വന്‍ വിജയമായിരുന്നു. ഈ സിനമയ്ക്ക് ശേഷമാണ് ഇരുവരും പ്രണയത്തിലാകുന്നത്. ഒന്നര വര്‍ഷം നീണ്ട പ്രണയ ബന്ധത്തിന് ശേഷം ഇരുവരും വേര്‍പിരിയുകയും ചെയ്തു
വേര്‍പിരിഞ്ഞതിനു ശേഷവും ഇരുവരും ഒരുമിച്ചഭിനയിച്ചിരുന്നു. ഈ ചിത്രങ്ങളെല്ലാം വന്‍ വിജയവുമായിരുന്നു. ഇപ്പോള്‍ ഇതാ ദീപികയും റണ്‍ബീറും ഒന്നിച്ചഭിനയിച്ച ഒരു പരസ്യ ചിത്രമാണ് സാമൂഹ്യമാധ്യമങ്ങളില്‍ വൈറലായിരിക്കുന്നത്.ഏഷ്യന്‍ പെയ്ന്‍സിന്റെ പരസ്യത്തിലാണ് ഇരുവരും ഒന്നിച്ചിരിക്കുന്നത്. ദീപകയുടെ വിവാഹത്തിന് ശേഷം അഭിനയിക്കുന്ന ആദ്യ പരസ്യ ചിത്രമാണിത്. റണ്‍ബീര്‍-ദീപിക താര ജോഡികളെ ഇഷ്ട്ടപ്പെടുന്ന പ്രേഷകര്‍ക്കിടയില്‍ നിന്നും നല്ല പ്രതികരണങ്ങളാണ് ഇതിനോടകം ഈ പരസ്യ ചിത്രത്തിന് ലഭിച്ചിരിക്കുന്നത്.
