തിരുവനന്തപുരം: മാധ്യമപ്രവര്ത്തകന് എസ്.വി പ്രദീപിന്റെ മരണത്തിലെ ദുരൂഹത നീക്കണമെന്ന് ആക്ഷന് കൗണ്സില്. ശരിയായ ദിശയിലല്ല അന്വേഷണം നടക്കുന്നതെന്നും കേന്ദ്ര ഏജന്സികള്ക്ക് അന്വേഷണം കൈമാറണമെന്നും ആക്ഷന് കൗണ്സില് ആവശ്യപ്പെട്ടു. മന്ത്രി ഉള്പ്പെട്ട ഹണി ട്രാപ് കേസുമായി ബന്ധപ്പെട്ട് പ്രദീപ് ഹൈക്കോടതിയില് നല്കിയ ഹര്ജി പിന്വലിക്കാന് സമ്മര്ദമുണ്ടായിരുന്നു. ഇക്കാര്യത്തിലും അന്വേഷണം വേണമെന്ന് ആക്ഷന് കൗണ്സില് ആവശ്യപ്പെട്ടു.
ഡിസംബര് 14ന് തിരുവനന്തപുരത്ത് നിന്ന് പള്ളിച്ചലിലേക്ക് പോകുന്നതിനിടയില് പ്രദീപ് സഞ്ചരിച്ചിരുന്ന സ്കൂട്ടറില് ടിപ്പര് ലോറി ഇടിക്കുകയും പ്രദീപ് റോഡിന് നടുവിലേക്ക് വീണ് അപകടം സംഭവിക്കുകയുമായിരുന്നു. ഉടന് തന്നെ പ്രദീപിനെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.