തിരുവനന്തപുരം:ഐഎഎസ് ഉദ്യോഗസ്ഥന് ശ്രീറാം വെങ്കിട്ടരാമന് ഒടിച്ച കാറിടിച്ച് മരിച്ച മാധ്യമപ്രവര്ത്തകന് കെ.എം ബഷീറിന്റെ ഭാര്യയ്ക്ക് സര്ക്കാര് ജോലി നല്കാന് മന്ത്രിസഭാ യോഗം തീരുമാനിച്ചു.
വിദ്യാഭ്യാസ യോഗ്യത കണക്കിലെടുത്ത് മലയാളം സര്വകലാശാലയിലായിരിക്കും ജോലി നല്കുക. ബഷീറിന്റെ കുടുംബത്തിന് ധനസഹായമായി നാല് ലക്ഷം രൂപ നല്കാനും മന്ത്രിസഭ തീരുമാനിച്ചു.
അതേസമയം കേസില് ശ്രീറാം വെങ്കിട്ടരാമന്റ ജാമ്യം റദ്ദാക്കണമെന്നാവശ്യപ്പെട്ടുള്ള സംസ്ഥാന സര്ക്കാരിന്റെ ഹര്ജി കഴിഞ്ഞ ദിവസം ഹൈക്കോടതി തള്ളിയിരുന്നു.