വിജയ് ദേവരകൊണ്ട ചിത്രം ‘ഡിയര്‍ കോമ്രേഡ്’; പുതിയ ഗാനം പുറത്തുവിട്ടു

ര്‍ജുന്‍ റെഡ്ഢി താരം വിജയ് ദേവരകൊണ്ടയുടെ ഏറ്റവും പുതിയ തെലുങ്ക് ചിത്രമാണ് ‘ഡിയര്‍ കോമ്രേഡ്. തിയേറ്ററുകളില്‍ ശരാശരി പ്രതികരണമാണ് ചിത്രത്തിനു ലഭിക്കുന്നത്. ചിത്രത്തിന്റെ ദൈര്‍ഘ്യമാണ് പ്രധാന വില്ലനെന്നാണ് തെലുങ്ക് മാധ്യമങ്ങളില്‍ നിന്നുള്ള റിപ്പോര്‍ട്ട്.

ഇതിനിടെ ചിത്രത്തിലെ പുതിയ ഗാനം പുറത്തുവിട്ടു. ഗൗതം ഭരത്വാജാണ് ഗാനം ആലപിച്ചിരിക്കുന്നത്. റെഹ്മാന്റെ വരികള്‍ക്ക് സംഗീതം നല്‍കിയിരിക്കുന്നത് ജസ്റ്റിന്‍ പ്രഭാകരനാണ്.

ഭരത് കമ്മയാണ് ചിത്രം സംവിധാനം ചെയ്തത്. തെലുങ്കിന് പുറമെ തമിഴ്, കന്നഡ, മലയാളം എന്നീ ഭാഷകളിലും ചിത്രം എത്തുന്നു. വിദ്യാര്‍ഥി നേതാവായ കഥാപാത്രത്തിന്റെ കലാലയ ജീവിതവും പ്രണയജീവിതവുമാണ് ചിത്രീകരിച്ചിരിക്കുന്നത്.

രാഷ്മിക മന്ദാന നായികയാവുന്ന ചിത്രത്തില്‍ ശ്രുതി രാമചന്ദ്രനും ഒരു പ്രധാന വേഷത്തില്‍ എത്തുന്നു. തമിഴ് ചിത്രങ്ങളിലൂടെ ശ്രദ്ധേയനായ സംഗീത സംവിധായകന്‍ ജസ്റ്റിന്‍ പ്രഭാകരനാണ് ചിത്രത്തിന് സംഗീതം നല്‍കുന്നത്. ടാക്സിവാലയ്ക്ക് ശേഷമെത്തുന്ന ദേവരകൊണ്ട ചിത്രമാണിത്.

Top