എ ആര് മുരുഗദോസ്സും രജനികാന്തും ഒന്നിക്കുന്ന പുതിയ ചിത്രം ദര്ബാറിലെ രജനികാന്തിന്റെ കാഥാപാത്രത്തെക്കുറിച്ചുള്ള റിപ്പോര്ട്ടുകള് അണിയറപ്രവര്ത്തകര് നേരത്തെ പുറത്തുവിട്ടിരുന്നു. ചിത്രത്തില് ഇരട്ട വേഷത്തില് എത്തുന്ന താരത്തിന്റെ ഒരു കഥാപാത്രം പൊലീസ് ഉദ്യോഗസ്ഥന്റേയും രണ്ടാമത്തേത് സാമൂഹ്യപ്രവര്ത്തകന്റെയും വേഷമായിരിക്കും എന്നാണ് നേരത്തെ പുറത്തുവിട്ട റിപ്പോര്ട്ട്. പോലീസ് ഓഫീസറായി എത്തുന്ന താരത്തിന്റെ കഥാപാത്രം ഡിസിപി മണിരാജ് എന്നായിരിക്കുമെന്നാണ് അണിയറപ്രവര്ത്തകര് ഇപ്പോള് പുറത്തുവിട്ടിരിക്കുന്നത്.
നയന്താരയാണ് ചിത്രത്തിലെ നായിക. മലയാളി താരം നിവേതയും ചിത്രത്തില് അഭിനയിക്കുന്നുണ്ട്. രജനികാന്തിന്റെ മകളായിട്ടാണ് നിവേത അഭിനയിക്കുന്നത്. ചിത്രത്തിന് സംഗീതം ഒരുക്കുന്നത് അനിരുദ്ധ രവിചന്ദെര് ആണ്. ഛായാഗ്രഹണം സന്തോഷ് ശിവനാണ്.ചിത്രത്തിന്റെ ഷൂട്ടിംഗ് മുംബൈയില് ആരംഭിച്ചു.