തിരുവനന്തപുരം: ബാലഭാസ്കറിന്റെ മരണത്തെപ്പറ്റി അന്വേഷിക്കുന്ന ക്രൈം ബ്രാഞ്ച് ഉദ്യോഗസ്ഥര് തിരുവനന്തപുരം വിമാനത്താവളം കേന്ദ്രീകരിച്ച് നടന്ന സ്വര്ണക്കടത്ത് അന്വേഷിക്കുന്ന ഡിആര്ഐ ഉദ്യോഗസ്ഥരില് നിന്ന് വിവരങ്ങള് ശേഖരിച്ചു.
ബാലഭാസ്ക്കറിന്റെ പ്രോഗ്രാം കോര്ഡിനേറ്ററായ പ്രകാശ് തമ്പിയെ സ്വര്ണ്ണക്കടത്ത് കേസില് പ്രതി ചേര്ത്ത് അറസ്റ്റ് ചെയ്തിരുന്നു. കേസില് ഒളിവില് കഴിയുന്ന പ്രധാന പ്രതിയായ വിഷ്ണുവാണ് ബാലഭാസ്കറിന്റെ സാമ്പത്തിക കാര്യങ്ങള് കൈകാര്യം ചെയ്തിരുന്നത്.
ബാലഭാസ്കറിന്റെ മരണത്തില് ഇവര്ക്ക് പങ്കുണ്ടെന്നാണ് ബാലഭാസ്കറിന്റെ അച്ഛന് കെ സി ഉണ്ണി ആരോപിച്ചിരുന്നത്. തുടര്ന്നാണ് ഡിആര്ഐ ഉദ്യോഗസ്ഥരില് നിന്ന് ബാലഭാസ്കറിന്റെ മരണം സംബന്ധിച്ച പരാതി അന്വേഷിക്കുന്ന ക്രൈം ബ്രാഞ്ച് സംഘം വിവരങ്ങള് ശേഖരിച്ചത്.