തിരുവനന്തപുരം: പോലീസ് കസ്റ്റഡിയിലെടുത്ത് വിട്ടയച്ചതിനെ തുടര്ന്ന് യുവാവ് ജീവനൊടുക്കിയ സംഭവത്തില് ക്രൈംബ്രാഞ്ച് അന്വേഷണത്തിന് ഉത്തരവ്.
ഡിജിപി ലോക്നാഥ് ബെഹ്റയാണ് അന്വേഷണത്തിന് ഉത്തരവിട്ടത്. തൃശൂര് ഏങ്ങണ്ടിയൂര് പോളയ്ക്കല് പങ്കന്തോട് കോളനിയിലെ വിനായകനാണ് പോലീസ് കസ്റ്റഡിയിലെടുത്തതിനെ തുടര്ന്ന് ജീവനൊടുക്കിയത്.
തൃശൂര് പാവറട്ടി പോലീസാണ് വിനായകനെ കസ്റ്റഡിയിലെടുത്തത്. വിനായകന് പോലീസ് കസ്റ്റഡിയില് ക്രൂര മര്ദ്ദനമേറ്റെന്ന് പോസ്റ്റ്മോര്ട്ടം റിപ്പോര്ട്ടില് വ്യക്തമായിരുന്നു. തുടര്ന്ന് വ്യാപക പ്രതിഷേധമാണ് പോലീസിനെതിരെ ഉയര്ന്നത്.
പെണ്കുട്ടിയുമായി സംസാരിച്ചു നില്ക്കുന്നത് കണ്ടതിനെ തുടര്ന്നാണ് വിനായകനെ പോലീസ് കസ്റ്റഡിയിലെടുത്തത്. മാല പൊട്ടിക്കുന്ന സംഘത്തില്പ്പെട്ട ആളാണെന്ന് കരുതിയാണ് അറസ്റ്റ് ചെയ്തതെന്നായിരുന്നു പോലീസ് പറയുന്നത്.