തിരുവനന്തപുരം എസ്എപി ക്യാമ്പില് നിന്ന് വെടിയുണ്ടകള് കാണാതായ സംഭവത്തില് 11 പൊലീസുകാരുടെയും മൊഴി രേഖപ്പെടുത്തി. മൊഴി രേഖപ്പെടുത്തിയതിന് പിന്നാലെ അന്വേഷണം കൂടുതല് പേരിലേക്ക് നീട്ടി. വെടിയുണ്ട കാണാതായതായി സിഎജി കണ്ടെത്തിയ കാലഘട്ടത്തില് ആയുധപ്പുരയുടെ ചുമതലക്കാരായിരുന്ന കൂടുതല് ഉദ്യോഗസ്ഥരെ ചോദ്യം ചെയ്യാനായി ക്രൈംബ്രാഞ്ച് വിളിപ്പിച്ചിട്ടുണ്ട്. ചോദ്യം ചെയ്യല് വരും ദിവസങ്ങളില് തുടരും.
ക്യാമ്പിലേക്ക് കൊടുത്തിട്ടുള്ളതും തിരികെയെത്തിയിട്ടുള്ളതുമായ വെടിയുണ്ടകളുടേയും കെയ്സുകളുടേയും കണക്ക് ആവശ്യപ്പെട്ട് ചീഫ് പൊലീസ് സ്റ്റോറിന് ക്രൈംബ്രാഞ്ച് കത്ത് നല്കി. കേരളാ പൊലീസിന്റെ ആയുധശേഖരത്തില് നിന്ന് വന്തോതില് വെടിക്കോപ്പുകളും ഉണ്ടകളും റൈഫിളുകളും കാണാതായെന്നാണ് സിഎജി കണ്ടെത്തല്. 12,061 വെടിയുണ്ടകളുടെ കുറവാണ് കണ്ടെത്തിയിരിക്കുന്നത്. കാണാതായവയ്ക്ക് പകരം വ്യാജ വെടിയുണ്ടകള് വയ്ക്കുകയും സംഭവം മറച്ചു വയ്ക്കാന് ഉദ്യോഗസ്ഥര് ശ്രമിക്കുകയും ചെയ്തു.
രേഖകള് തിരുത്തി കുറ്റക്കാരെ സംരക്ഷിക്കാനാണ് ബന്ധപ്പെട്ട ഉദ്യോഗസ്ഥര് ശ്രമിച്ചതെന്നും സിഎജി കണ്ടെത്തിയിട്ടുണ്ട്. തോക്കുകളും തിരകളും കാണാതായിയിട്ടില്ല. 94 മുതല് തോക്കുകളുടെ രജിസ്റ്റര് സൂക്ഷിക്കുന്നതില് വീഴ്ച്ചയുണ്ട്. ആയുധങ്ങളും വെടിക്കോപ്പുകളും കാണാനില്ലെന്ന് പറഞ്ഞ്, സുരക്ഷാ പ്രശ്നം ഉണ്ടെന്ന് പ്രചാരണം നടത്തുന്നത് തെറ്റാണ്. ഫണ്ട് വകമാറ്റിയതിനെ സര്ക്കാര് അംഗീകരിച്ചിട്ടുണ്ട്. ഉപകരങ്ങള് വാങ്ങിയത് സര്ക്കാര് സ്ഥപനമായ കെല്ട്രോണ് വഴി. പൊലീസ് ചട്ടം ലംഘിച്ചിട്ടില്ലെന്നും ആഭ്യന്തര സെക്രട്ടറിയുടെ റിപ്പോര്ട്ട് പറയുന്നു.