ന്യൂഡല്‍ഹി : മുതിര്‍ന്ന സി.പി.ഐ ലീഡര്‍ ഗുരുദാസ് ദാസ് ഗുപ്ത(83) അന്തരിച്ചു. ഇന്ന് കൊല്‍ക്കത്തയിലെ വീട്ടില്‍ വെച്ചായിരുന്നു അന്ത്യം. ഏറെനാളായി ഹൃദയ, വൃക്ക രോഗബാധിതനായിരുന്നു.
ആറ് തവണ പാര്‍ലമെന്‍റ് അംഗമായിരുന്നു. 1985ലാണ് ആദ്യം രാജ്യസഭാ എംപിയായത്. സി.പി.ഐ ദേശീയ ഡെപ്യൂട്ടി ജനറല്‍ സെക്രട്ടറിയായും പ്രവര്‍ത്തിച്ചിട്ടുണ്ട്. നിലവില്‍ സി.പി.ഐ ദേശീയ സെക്രട്ടേറിയേറ്റ് അംഗമാണ്. ഏറെനാള്‍ എ.ഐ.ടി.യു.സി ജനറല്‍ സെക്രട്ടറിയായും പ്രവര്‍ത്തിച്ചിട്ടുണ്ട്.
ഇടതുപക്ഷത്തിന്‍റെ പാര്‍ലമെന്‍റിലെ കരുത്തുറ്റ ശബ്ദമായിരുന്നു ഗുരുദാസ് ദാസ് ഗുപ്ത. 2ജി സ്പെക്ട്രം അഴിമതി കേസുമായി ബന്ധപ്പെട്ട് രൂപീകരിച്ച സംയുക്ത പാര്‍ലമെന്‍ററി കമ്മിറ്റിയിലെ അംഗമായിരുന്നു.
