മസ്‌കറ്റ്: ഒമാനില്‍ കൊവിഡ് വ്യാപനം രൂക്ഷമായ സാഹചര്യത്തില്‍ ആശുപത്രികളില്‍ പുതിയ മുന്‍കരുതല്‍ നടപടികള്‍ നടപ്പാക്കാന്‍ ഒമാനിലെ ഡയറക്ടറേറ്റ് ജനറല്‍ ഓഫ് ഹെല്‍ത്ത് സര്‍വീസസ് (ഡിജിഎച്ച്എസ്). ധോഫര്‍ ഗവര്‍ണറേറ്റില്‍ ക്രമാതീതമായി കൊവിഡ് രൂക്ഷമാകുന്ന സാഹചര്യത്തിലാണ് പുതിയ തീരുമാനം.
സലാലയിലെ അല്‍- ദഹരിസ് ഹെല്‍ത്ത് സെന്റര്‍, ന്യൂ സലാല ഹെല്‍ത്ത് സെന്റര്‍, ഹജിഫ് ഹെല്‍ത്ത് സെന്റര്‍ എന്നിവ അടച്ചിടാന്‍ ഡിജിഎച്ച്എസ് എപിഡോമിയോളജിക്കല്‍ പ്രിപേര്‍ഡനെസ് കമ്മിറ്റി തീരുമാനിച്ചു. സലാലയിലെ സുല്‍ത്താന്‍ ഖബൂസ് ആശുപത്രിയിലെ ജോലിക്കാരെ പിന്തുണയ്ക്കാനുമാണ് ഈ തീരുമാനം.
എല്ലാ അവശ്യ ശസ്ത്രക്രിയകള്‍, ആരോഗ്യ പ്രവര്‍ത്തകര്‍ക്ക് അവധി നല്‍കുന്നത് നിര്‍ത്തലാക്കുക, സുല്‍ത്താന്‍ ഖബൂസ് ആശുപത്രിയില്‍ സന്ദര്‍ശകര്‍ക്ക് നിയന്ത്രണം നല്‍കുക എന്നിവ ഉള്‍പ്പെടെ സ്‌പെഷ്യലൈസ്ഡ് ക്ലിനിക്കുകളില്‍ 30 ശതമാനമായി ജോലിക്കാരെ നിയന്ത്രിക്കാനും താത്കാലികമായി തീരുമാനിച്ചു.
കൂടാതെ, മെഡിക്കല്‍ ഫിറ്റ്‌നസ് എക്‌സാമിനേഷന്‍ സെന്ററിലെ അഡ്മിനിസ്‌ട്രേറ്റീവ് ആന്റ് ടെക്‌നിക്കല്‍ സ്റ്റാഫുകളെ ആശുപത്രിയില്‍ ജോലിയിലേക്ക് റീഡയറക്ട് ചെയ്തിട്ടുണ്ട്. ആശുപത്രിയുടെ ഷിഫ്റ്റ് ചെയ്ത സമയക്രമം അവതരിപ്പിക്കുന്നതിനൊപ്പം ഈ മാറ്റങ്ങളും മെഡിക്കല്‍ സര്‍വീസ് സ്റ്റാഫുകളില്‍ വര്‍ദ്ധിച്ചുവരുന്ന സമ്മര്‍ദ്ദം കുറയ്ക്കുമെന്ന് പ്രതീക്ഷിക്കുന്നു.
