ന്യൂഡല്ഹി: ഇന്ത്യയില് കോവിഡ് ബാധിതരുടെ എണ്ണം 82.67 ലക്ഷം പിന്നിട്ടു. 38,310 പുതിയ കോവിഡ് കേസുകളാണ് കഴിഞ്ഞ 24 മണിക്കൂറിനിടയില് റിപ്പോര്ട്ട് ചെയ്യപ്പെട്ടത്. അതേസമയം കഴിഞ്ഞ 24 മണിക്കൂറിനിടെ കേസുകളുടെ എണ്ണത്തില് 20,503 കേസുകളുടെ കുറവായിട്ടുണ്ട്.
ഒരു ദിവസത്തിനിടെ 490 പേരാണ് കോവിഡ് ബാധിച്ച് മരിച്ചത്. മരണങ്ങളുടെ എണ്ണത്തിലും നേരിയ കുറവ് കാണിക്കുന്നുണ്ട്. 82,67,623 കോവിഡ് കേസുകളാണ് ഇതുവരെ റിപ്പോര്ട്ട് ചെയ്യപ്പെട്ടത്. ഇതില് 5,41,405 പേര് നിലവില് കോവിഡ് ബാധിതരായി ചികിത്സയിലുള്ളവരാണ്.
രാജ്യത്ത് ഇതുവരെ 1,23,097 പേരാണ് കോവിഡ് ബാധിതരായി മരണപ്പെട്ടത്. ലോകത്ത് യു.എസ്. കഴിഞ്ഞാല് ഏറ്റവും അധികം കോവിഡ് കേസുകള് സ്ഥിരീകരിച്ചത് ഇന്ത്യയിലാണ്.