ന്യൂഡല്ഹി: രാജ്യത്ത് കഴിഞ്ഞ 24 മണിക്കൂറിനിടെ 35,499 കോവിഡ് കേസുകള് റിപ്പോര്ട്ട് ചെയ്തു. ഇന്നലത്തേതിലും 9 ശതമാനം കുറവാണ് ഇന്ന് റിപ്പോര്ട്ട് ചെയ്ത പ്രതിദിന രോഗികളുടെ എണ്ണം. ഇതോടെ ആകെ രോഗബാധിതരുടെ എണ്ണം 3.19 കോടിയായി. ഇന്നലെ മാത്രം 447 കോവിഡ് മരണം കൂടി റിപ്പോര്ട്ട് ചെയ്തതോടെ ആകെ മരണം 4,28,309 ആയി.
4,02,188 പേരാണ് നിലവില് രോഗം ബാധിച്ച് ചികിത്സയിലുള്ളത്. 1.26% ആണ് പോസിറ്റിവിറ്റി നിരക്ക്. 97.40% ആണ് രോഗമുക്തി നിരക്ക്. 39,686 പേര് ഇന്നലെ രോഗമുക്തി നേടിയതോടെ ആകെ രോഗമുക്തരുടെ എണ്ണം 3,11,39,457.