സൗദിയില്‍ ഇന്ന് പുതുതായി 51 പേര്‍ക്ക് കൂടി കൊവിഡ് രോഗം സ്ഥിരീകരിച്ചു

റിയാദ്: സൗദി അറേബ്യയില്‍ ഇന്ന് പുതുതായി 51 പേരില്‍ കൂടി രോഗബാധ സ്ഥിരീകരിച്ചതോടെ ചികിത്സയിലുള്ളവരുടെ ആകെ എണ്ണം 2,313 ആയി. ഇതില്‍ 271 പേരുടെ നില മാത്രമാണ് ഗുരുതരം. ബാക്കിയുള്ളവരുടെ ആരോഗ്യനില തൃപ്തികരമാണ്.

59 പേരാണ് പുതുതായി സുഖം പ്രാപിച്ചത്. രാജ്യത്ത് വിവിധ ഭാഗങ്ങളിലായി നാലുപേര്‍ കൂടി മരിച്ചു. ഇതുവരെ രാജ്യത്ത് റിപ്പോര്‍ട്ട് ചെയ്യപ്പെട്ട ആകെ കൊവിഡ് കേസുകളുടെ എണ്ണം 5,46,843 ആയി. ഇതില്‍ 5,35,842 പേര്‍ രോഗമുക്തരായി. ആകെ മരണസംഖ്യ 8,688 ആയി ഉയര്‍ന്നു. രാജ്യത്തെ കോവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു.

വിവിധ പ്രവിശ്യകളില്‍ പുതുതായി റിപ്പോര്‍ട്ട് ചെയ്ത രോഗികളുടെ എണ്ണം: റിയാദ് 14, മക്ക 12, കിഴക്കന്‍ പ്രവിശ്യ 5, മദീന 4, ജീസാന്‍ 3, അല്‍ഖസീം 3, നജ്‌റാന്‍ 3, അസീര്‍ 2, തബൂക്ക് 2, ഹാഇല്‍ 1, അല്‍ജൗഫ് 1, വടക്കന്‍ അതിര്‍ത്തി മേഖല 1. സൗദി അറേബ്യയില്‍ ഇതുവരെ 41,358,961 ഡോസ് കൊവിഡ് വാക്‌സിന്‍ വിതരണം ചെയ്തു.

Top