ന്യൂഡല്‍ഹി: മുന്‍ പ്രധാനമന്ത്രിയും ജനതാദള്‍ (എസ്) ദേശീയ അധ്യക്ഷനുമായ എച്ച്.ഡി. ദേവെഗൗഡയ്ക്കും ഭാര്യ ചെന്നമ്മയ്ക്കും കോവിഡ് സ്ഥിരീകരിച്ചു. ദേവെഗൗഡ തന്നെയാണ് ട്വിറ്ററിലൂടെ ഇക്കാര്യം വെളിപ്പെടുത്തിയത്. മറ്റു കുടുംബാംഗങ്ങളുമൊത്ത് ഐസലേഷനിലാണെന്നും പിന്നിട്ട ദിവസങ്ങളില്‍ താനുമായി സമ്പര്‍ക്കത്തില്‍ ഏര്‍പ്പെട്ടവര്‍ കോവിഡ് പരിശോധനയ്ക്കു വിധേയരാകണമെന്നും ദേവെഗൗഡ ഓര്‍മിപ്പിച്ചു.
ദേവെഗൗഡയുടെയും ഭാര്യയുടെയും രോഗവിവരങ്ങള്‍ നേരിട്ട് ആരാഞ്ഞതായും ഇരുവര്‍ക്കും എത്രയും വേഗം രോഗമുക്തിയുണ്ടാകട്ടെയെന്നും പ്രധാനമന്ത്രി ട്വിറ്ററില്‍ കുറിച്ചു.
താല്‍പര്യമുള്ള ഏതു നഗരത്തിലെയും ഏത് ആശുപത്രിയിലെയും ചികില്‍സ ഉറപ്പാക്കാമെന്നാണ് പ്രധാനമന്ത്രി മോദി അറിയിച്ചതെന്നും ബെംഗളൂരുവിലെ ചികില്‍സയില്‍ തൃപ്തനാണെന്ന് മോദിയെ അറിയിച്ചതായും ദേവെഗൗഡ വ്യക്തമാക്കി. തന്റെ ആരോഗ്യവിവരങ്ങള്‍ ആരാഞ്ഞ പ്രധാനമന്ത്രിയുടെ നടപടിയില്‍ നന്ദിയുണ്ടെന്നും ദേവെഗൗഡ അറിയിച്ചു.
