ന്യൂഡല്ഹി: മൂന്നാം തരംഗത്തില് രാജ്യത്തെ ഭൂരിപക്ഷം പേര്ക്കും കൊവിഡ് ബാധിക്കുമെന്ന് ഐസിഎംആറിലെ വിദഗ്ധന്. ഗുരുതര ലക്ഷണം ഇല്ലാതെ മിക്കവര്ക്കും കൊവിഡ് ബാധിക്കുമെന്ന് ഐസിഎംആറിലെ ഡോ.ജയ്പ്രകാശ് ദേശീയ മാധ്യമത്തോട് പറഞ്ഞു. പ്രതിദിന കൊവിഡ് കേസുകളില് 16 ശതമാനം വര്ധനയുണ്ടായി. ഓക്സിജന് ലഭ്യത ഉറപ്പാക്കാന് ആവശ്യപ്പെട്ട് ആരോഗ്യ സെക്രട്ടറി സംസ്ഥാനങ്ങള്ക്ക് കത്തയച്ചിട്ടുണ്ട്.
ഒമിക്രോണ് പടരുന്നത് വഴിയുള്ള പുതിയ തരംഗത്തില് മിക്കവാറും പേര്ക്ക് കൊവിഡ് ബാധിക്കുമെന്നാണ് ഐ സി എം ആറിലെ പകര്ച്ച വ്യാധി വിഭാഗം വിദഗ്ധനായ ഡോ. ജയ്പ്രകാശ് അഭിപ്രായപ്പെട്ടത്. എന്നാല് രോഗം ബാധിച്ച വിവരം പലരും അറിയുക പോലുമില്ല. 80 ശതമാനം പേരിലും വലിയ ആരോഗ്യ പ്രശ്നങ്ങളുണ്ടാക്കാതെ കൊവിഡ് കടന്നു പോകുമെന്നും ഡോ ജയ്പ്രകാശ് പറഞ്ഞു.