ഡൽഹി : രാജ്യത്തെ പ്രതിദിന കോവിഡ് കേസുകള്‍ കുറയുന്നുതായി റിപ്പോർട്ടുകൾ. ഇരുപത്തിനാല് മണിക്കുറിനിടെ നാല്‍പതിനായിരത്തിന് താഴെയാണ് സംസ്ഥാനങ്ങളില്‍ ആകെ രേഖപ്പെടുത്തിയ കേസുകള്‍. പ്രതിദിന കേസുകള്‍ കൂടുന്ന പഞ്ചാബിലും രാജസ്ഥാനിലും ഇന്നലെ അര്‍ധരാത്രി മുതല്‍ രാത്രികാല കര്‍ഫ്യു ആരംഭിച്ചിട്ടുണ്ട്.
കോവിഡ് കേസുകളില്‍ ഒക്ടോബര്‍ മാസത്തെക്കാള്‍ 32 ശതമാനം കുറവ് നവംബറില്‍ ഉണ്ടായിരിക്കുന്നത്. രോഗമുക്തി നിരക്ക് 94 ശതമാനത്തിന് അടുത്തെത്തി. മൂന്നാംഘട്ട രോഗ വ്യാപനം നടക്കുന്ന ഡല്‍ഹിയില്‍ ആശങ്ക ഒഴിയുകയാണ്. പുതുതായി 4006 പേര്‍ക്ക് രോഗം സ്ഥിരീകരിച്ചു. 86 മരണവും ഡല്‍ഹിയില്‍ റിപ്പോര്‍ട്ട് ചെയ്തു.
