കണ്ണൂര്: കണ്ണൂര് സെന്ട്രല് ജയിലില് ഇന്ന് 83 പേര്ക്ക് കൂടി കൊവിഡ് 19 സ്ഥിരീകരിച്ചു. ഇതില് 10 പേര് ജീവനക്കാരാണ്.
ഇതോടെ കണ്ണൂര് സെന്ട്രല് ജയിലില് രണ്ട് ദിവസത്തിനിടെ കൊവിഡ് സ്ഥിരീകരിച്ചവരുടെ എണ്ണം 154 ആയി.
ഇന്നലെ 71 പേര്ക്ക് കൊവിഡ് സ്ഥിരീകരിച്ചിരുന്നു. രണ്ടു ജീവനക്കാര്ക്കും 69 തടവുകാര്ക്കുമാണ് ഇന്നലെ കൊവിഡ് സ്ഥിരീകരിച്ചത്.
നേരത്തെ നടത്തിയ പരിശോധനയിലും ചിലര്ക്ക് രോഗം സ്ഥിരീകരിച്ചിരുന്നു. തുടര്ന്ന് ജയിലിനുള്ളില് കടുത്ത നിയന്ത്രണങ്ങള് ഏര്പ്പെടുത്തി മുന്നോട്ട് പോകുന്നതിനിടയിലാണ് ഇത്രയധികം കേസുകള് റിപ്പോര്ട്ട് ചെയ്തത്. രോഗബാധിതരായ തടവുകാരെ ജയിലിനുള്ളിലെ ക്വാറന്റൈന് സെന്ററിലേക്ക് മാറ്റും.