തിരുവനന്തപുരം: സംസ്ഥാനത്ത് ഇന്ന് 4 പുതിയ പ്രദേശങ്ങളെ കൂടി കോവിഡ് ഹോട്ട് സ്പോട്ട് പട്ടികയിലുള്പ്പെടുത്തി. മലപ്പുറം ജില്ലയിലെ പരപ്പനങ്ങാടി മുനിസിപ്പാലിറ്റി (കണ്ടൈന്മെന്റ് സോണ്: വാര്ഡ് 31), ഇടുക്കി ജില്ലയിലെ കട്ടപ്പന മുന്സിപ്പാലിറ്റി (5,8), രാജകുമാരി (8), തൃശൂര് ജില്ലയിലെ വെള്ളാങ്ങല്ലൂര് (14, 15) എന്നിവയാണ് പുതിയ ഹോട്ട് സ്പോട്ടുകള്.
കൊല്ലം ജില്ലയിലെ കല്ലുവാതുക്കല് വാര്ഡ് 23നെ കണ്ടൈന്മെന്റ് സോണില് നിന്നും ഒഴിവാക്കി. നിലവില് 112 ഹോട്ട് സ്പോട്ടുകളാണ് സംസ്ഥാനത്തുള്ളത്.
അതേസമയം സംസ്ഥാനത്ത് ഇന്ന് 138 പേര്ക്കാണ് കോവിഡ്-19 സ്ഥിരീകരിച്ചത്. മലപ്പുറത്ത് 17 പേര്ക്കും, പാലക്കാട് 16 പേര്ക്കും, എറണാകുളത്ത്14 പേര്ക്കും, കൊല്ലം, കോട്ടയം ജില്ലകളില് 13 പേര്ക്ക് വീതവും, ആലപ്പുഴ, തൃശൂര് ജില്ലകളില് 12 പേര്ക്ക് വീതവും, തിരുവനന്തപുരം ജില്ലയില് 11 പേര്ക്കും, കാസര്ഗോഡ് ജില്ലയില് 9 പേര്ക്കും, കോഴിക്കോട്, വയനാട് ജില്ലകളില് 5 പേര്ക്ക് വീതവും, പത്തനംതിട്ട, ഇടുക്കി ജില്ലകളില് 4 പേര്ക്ക് വീതവും കണ്ണൂര് ജില്ലയില് 3 പേര്ക്കുമാണ് രോഗം സ്ഥിരീകരിച്ചത്.