തിരുവനന്തപുരം സംസ്ഥാനത്ത് ഇന്ന് 7 പുതിയ പ്രദേശങ്ങളെ ഹോട്ട് സ്പോട്ട് പട്ടികയിലുള്പ്പെടുത്തി. കൊല്ലം ജില്ലയിലെ തൃക്കോവില്വട്ടം, മയ്യനാട്, ഇട്ടിവ, കല്ലുവാതുക്കല്, കൊല്ലം കോര്പറേഷന്, കോട്ടയം ജില്ലയിലെ വാഴപ്പള്ളി, പത്തനംതിട്ട ജില്ലയിലെ മല്ലപ്പുഴശ്ശേരി എന്നിവയാണ് പുതിയ ഹോട്ട് സ്പോട്ടുകള്.
9 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. തൃശൂര് ജില്ലയിലെ അവണൂര്, ചേര്പ്പ്, തൃക്കൂര്, ഇരിങ്ങാലക്കുട മുന്സിപ്പാലിറ്റി, വാടാനപ്പള്ളി, അളഗപ്പനഗര്, വെള്ളാങ്ങല്ലൂര്, തോളൂര്, കൊല്ലം ജില്ലയിലെ ആദിച്ചനല്ലൂര് എന്നിവയെയാണ് ഹോട്ട്സ്പോട്ടില് നിന്നും ഒഴിവാക്കിയത്. നിലവില് ആകെ 109 ഹോട്ട് സ്പോട്ടുകളാണുള്ളത്.
അതേസമയം സംസ്ഥാനത്ത് ഇന്ന് 133 പേര്ക്കാണ് കോവിഡ് സ്ഥിരീകരിച്ചത് ഇന്ന് കൂടുതല് പേര്ക്ക് കോവിഡ് സ്ഥിരീകരിച്ച ദിനമാണ്. തൃശ്ശൂര് ജില്ലയില് 16 പേരും പാലക്കാട് 15 പേര്ക്കും കൊല്ലം ജില്ലയില് 13 പേര്ക്കും, ഇടുക്കിയില് 11 പേര്ക്കും, ആലപ്പുഴ, കോട്ടയം, മലപ്പുറം, കോഴിക്കോട്, കണ്ണൂര് ജില്ലകളില് 10 പേര്ക്ക് വീതവും, തിരുവനന്തപുരം ജില്ലയില് 9 പേര്ക്കും, പത്തനംതിട്ട ജില്ലയില് 8 പേര്ക്കും, കാസര്ഗോഡ് ജില്ലയില് 6 പേര്ക്കും, എറണാകുളം ജില്ലയില് 5 പേര്ക്കുമാണ് രോഗം സ്ഥിരീകരിച്ചത്.