തിരുവനന്തപുരം: കോവിഡ് ദുരിതാശ്വാസ പ്രവർത്തനങ്ങളുടെ ഭാഗമായി സംസ്ഥാന സർക്കാർ സൗജന്യമായി നൽകുന്ന ഭക്ഷ്യ കിറ്റിന്‍റെ ഡിസംബർ മാസത്തെ വിതരണം വ്യാഴാഴ്ച മുതൽ ആരംഭിക്കും. ഈ മാസത്തേത് ക്രിസ്മസ് കിറ്റായാണ് നൽകുക. എല്ലാ കാർഡുടമകൾക്കും റേഷൻ കടകൾ വഴി കിറ്റ് ലഭിക്കുമെന്ന് സിവിൽ സപ്ലൈസ് അധികൃതർ അറിയിച്ചിട്ടുണ്ട്.
11 ഇനം സാധനങ്ങളാണ് കിറ്റിലുണ്ടാവുക. ഒപ്പം മാസ്കും നൽകും. കടല, പഞ്ചസാര, നുറുക്കു ഗോതന്പ്, വെളിച്ചെണ്ണ, മുളകുപൊടി, ചെറുപയർ, പരിപ്പ്, ഉഴുന്ന്, തുണി സഞ്ചി, രണ്ട് മാസ്ക് എന്നിവ അടങ്ങുന്നതാണ് കിറ്റ്.
