തിരുവനന്തപുരം: സംസ്ഥാനത്ത് ഇന്ന് 111 പേര്ക്ക് കോവിഡ് സ്ഥിരീകരിച്ചു. 22പേര് രോഗമുക്തരായി. മുഖ്യമന്ത്രി പിണറായി വിജയന് കൊറോണ അവലോകന യോഗത്തിനുശേഷം നടത്തിയ വാര്ത്താ സമ്മേളനത്തിലാണ് ഇക്കാര്യം അറിയിച്ചത്.
പാലക്കാട് – 40, മലപ്പുറം – 18, പത്തനംതിട്ട – 11, എറണാകുളം – 10, തൃശ്ശൂര് – എട്ട്, തിരുവനന്തപുരം-5 ആലപ്പുഴ-5, കോഴിക്കോട് – 4, ഇടുക്കി – 3,കൊല്ലം – 2 വയനാട് -3 കോട്ടയം, കാസര്കോട് ജില്ലകളില് ഒന്നുവീതം ആളുകള്ക്കുമാണ് ഇന്ന് രോഗം സ്ഥിരീകരിച്ചത്. അതേസമയം, തിരുവനന്തപുരത്ത് ഒരാളും, ആലപ്പുഴയില് നാലുപേരും, എറണാകുളത്ത് നാലുപേരും, തൃശ്ശൂരില് അഞ്ചുപേരും, കോഴിക്കോട് ഒരാളും, കാസര്കോട് ഏഴുപേരും ഇന്ന് രോഗമുക്തി നേടി.
ഇന്ന് രോഗം സ്ഥിരീകരിച്ചവരില് 50 പേര് വിദേശത്തുനിന്ന് എത്തിയവരും 48 പേര് മറ്റു സംസ്ഥാനങ്ങളില് നിന്ന് എത്തിയവരുമാണ്. പത്തുപേര്ക്ക് സമ്പര്ക്കത്തിലൂടെ രോഗം സ്ഥിരീകരിച്ചിട്ടുണ്ട്. മൂന്ന് ആരോഗ്യ പ്രവര്ത്തകര്ക്കും രോഗം ബാധിച്ചതായി മന്ത്രി അറിയിച്ചു.
പുതുതായി ഇന്ന് വൈറസ് ബാധ സ്ഥിരീകരിച്ചവരില് മഹാരാഷ്ട്രയില്നിന്ന് എത്തിയ 25 പേരും തമിഴ്നാട്ടില്നിന്ന് എത്തിയ പത്തുപേരും, കര്ണാടകത്തില്നിന്ന് എത്തിയ മൂന്നുപേരും, യു.പി, ഹരിയാണ, ലക്ഷ്വദ്വീപ് എന്നിവിടങ്ങളില്നിന്ന് എത്തിയ ഓരോരുത്തരും, ഡല്ഹിയില്നിന്ന് എത്തിയ നാലുപേരും ആന്ധ്രാപ്രദേശില്നിന്ന് എത്തിയ മൂന്നുപേരും ഉള്പ്പെടുന്നു. 1697 പേര്ക്കാണ് സംസ്ഥാനത്ത് ഇതുവരെ രോഗബാധ സ്ഥിരീകരിച്ചിട്ടുള്ളത്. ഇതില് 973 പേര് ചികിത്സയിലുണ്ട്. 177106 പേരാണ് സംസ്ഥാനത്ത് നിരീക്ഷണത്തിലുള്ളത്. 1545 പേര് ആശുപത്രികളില് നിരീക്ഷണത്തിലാണ്. സംസ്ഥാനത്തെ ഹോട്ട്സ്പോട്ടുകളുടെ എണ്ണം 128 ആയി. വയനാട് – മൂന്നും കണ്ണൂര്, കോഴിക്കോട് ജില്ലകളില് ഒന്നു വീതവുമാണ് പുതിയ ഹോട്ട്സ്പോട്ടുകള്.