മൂന്നാര്: സന്ദര്ശകരുടെ തിരക്ക് വര്ദ്ധിച്ചതോടെ മൂന്നാറിലെ എസ്റ്റേറ്റുകള് കേന്ദ്രീകരിച്ച് വ്യാജമദ്യമൊഴുകുന്നു. സന്ദര്ശകര് ഏറെയെത്തുന്ന മാട്ടുപ്പെട്ടി ടോപ്പ് സ്റ്റേഷന് മേഖലകള് കേന്ദ്രീകരിച്ചാണ് വ്യാജമദ്യം വ്യാപകമായി വില്ക്കപ്പെടുന്നത്. മൂന്നാറിലും സമീപപ്രദേശങ്ങളിലെ റിസോര്ട്ടുകളിലും മുന്കൂര് മുറിബുക്ക് ചെയ്തവര്ക്ക് മാത്രമാണ് താമസസൗകര്യം ലഭിക്കുന്നുള്ളു.
രാത്രികാലങ്ങളില് മുറിലഭിക്കാതെ വഴിയോരങ്ങളില് വാഹനങ്ങളില് കിടന്നുറങ്ങുന്നവരെ കേന്ദ്രീകരിച്ചാണ് മദ്യവില്പന. റിസോര്ട്ടുകള് കേന്ദ്രീകരിച്ച് മദ്യമെത്തിക്കാനായി ഏജെന്റുമാരും പ്രവര്ത്തിക്കുന്നുവെന്നാണ് പൊലീസ് പറയുന്നത്.