തിരുവനന്തപുരം: കൊറോണ വൈറസ് ബാധയെക്കുറിച്ച് സാമൂഹ്യമാധ്യമങ്ങളില് വ്യാജവാര്ത്തകള് പ്രചരിപ്പിക്കുന്നവര്ക്കെതിരെ കര്ശന നടപടി എടുക്കാന് സംസ്ഥാന പൊലീസ് മേധാവി ലോക്നാഥ് ബെഹ്റ.
വ്യാജവാര്ത്തകള്പോസ്റ്റ് ചെയ്യുകയും പ്രചരിപ്പിക്കുകയും ചെയ്യുന്നവര്ക്കെതിരെയാണ് നടപടി സ്വീകരിക്കാന് നിര്ദ്ദേശം നല്കിയത്. വൈറസ് ബാധ സംബന്ധിച്ച് പലതരത്തിലുള്ള വ്യാജവാര്ത്തകള് സാമൂഹ്യമാധ്യമങ്ങളില് പ്രത്യക്ഷപ്പെടുന്നതിന്റെ അടിസ്ഥാനത്തിലാണ് ഈ നിര്ദ്ദേശം.
ഇത്തരം വാര്ത്തകള് പോസ്റ്റ് ചെയ്യുന്നവരേയും അത് ഫോര്വേഡ് ചെയ്യുന്നവര്ക്കെതിരെയും പ്രോസിക്യൂഷന് നടപടി സ്വീകരിക്കുന്നതായിരിക്കും.
ജില്ലാ പൊലീസ് മേധാവിമാര്, ഹൈടെക് ക്രൈം എന്ക്വയറി സെല്, സൈബര് ഡോം, സൈബര് പൊലീസ് സ്റ്റേഷനുകള്, സൈബര് സെല് എന്നിവര്ക്കും ഇതിനു വേണ്ട നിര്ദ്ദേശം ഡിജിപി നല്കിയിട്ടുണ്ട്.