ന്യൂഡല്ഹി: രാജ്യത്ത് കൊവിഡ് ബാധിച്ച് ഒരു മരണം കൂടി സ്ഥിരീകരിച്ചു. മധ്യപ്രദേശിലെ ഉജ്ജയിനിയില് 63 വയസ്സുള്ള സ്ത്രീയാണു മരിച്ചത്. ഇതോടെ രാജ്യത്ത് കൊവിഡ് ബാധിച്ചു മരിച്ചവരുടെ എണ്ണം 11 ആയി. മധ്യപ്രദേശില് 5 പേര്ക്കാണ് കൊവിഡ് സ്ഥിരീകരിച്ചത്.
മുഖ്യമന്ത്രി സ്ഥാനം രാജിവെച്ചുള്ള കമല്നാഥിന്റെ വാര്ത്താസമ്മേളനത്തില് പങ്കെടുത്ത മാധ്യമപ്രവര്ത്തകനും രോഗ ബാധ കണ്ടെത്തിയിട്ടുണ്ട്. ലണ്ടനില് നിന്ന് തിരിച്ചെത്തിയ മകളില് നിന്നാണ് ഇയാള്ക്ക് രോഗം പടര്ന്നത്. രോഗം ബാധിച്ചവരുടെ എണ്ണം ഗുജറാത്തില് 38 ഉം രാജസ്ഥാനില് 33 ഉം ആയി.
രാജ്യത്ത് കോവിഡിന്റെ സാമൂഹിക വ്യാപനമില്ലെന്ന് കേന്ദ്രസര്ക്കാര്. 606 പേര്ക്ക് രോഗം സ്ഥിരീകരിച്ചു. 42 പേര്ക്ക് രോഗം മാറി. മിസോറമില് ആദ്യ കേസ് റിപ്പോര്ട്ട് ചെയ്തു. ഡല്ഹിയില് ഇന്നലെ ഒരാള് മരിച്ചത് കോവിഡ് ബാധിച്ചല്ലെന്ന് ആരോഗ്യമന്ത്രാലയം വ്യക്തമാക്കി.